Թիվ 2 միջնակարգ դպրոց

Տավուշի մարզի Կողբի № 2 միջնակարգ դպրոց

Տնօրեն – Ամալյա Քյարամի Ղարագյոզյան

Կողբի № 2 միջնակարգ դպրոցը հիմնադրվել է 1972թվին: Հանդիսանալով ՀՀ պետական կրթական համակարգի օղակներից մեկը`  դպրոցն իրականացնում է տարրական, հիմնական և միջնակարգ կրթության պետական հանրակրթական ծրագրեր: Դպրոցում ակտիվորեն  գործում են կառավարման, ծնողական և աշակերտական խորհուրդները:

Ուսուցիչները մոտ  40-ն են, որոնց 97%-ն ունեն համապատասխան բարձրագույն  մանկավարժական կրթություն: Դպրոցում որակյալ մասնագետների առկայությամբ են պայմանավորված հանրապետության բուհերի ընդունելության քննությունների ժամանակ մեր շրջանավարտների բարձր գնահատականները:

Դպրոցի բոլոր ուսուցիչները մասնակցել են վերապատրաստման դասընթացների  և ունեն համապատասխան որակավորում:

Դպրոցն ունի կահավորված կաբինետներ, որոնք նպաստում է ուսումնական գործընթացի բարձր մակարդակով կազմակերպելուն: Ժամանակակակից սարքավորումներով և դիդակտիկ պարագաներով են հագեցած ինֆորմատիկայի, կենսաբանության, ֆիզիկայի, քիմիայի, աշխարհագրության,  տեխնոլոգիայի կաբինետները:

Դպրոցի աշակերտները հաջողությամբ են մասնակցում տարածաշրջանային և հանրապետական առարկայական օլիմպիադաների և այլ մրցույթների ու փառատոների` արժանանալով մրցանակների և խրախուսանքների: Հաճախակի կազմակերպվող դպրոցական բազմաբնույթ միջոցառումները նպաստում են աշակերտների գեղագիտական ճաշակի և հետաքրքրությունների զարգացմանը, ինտելեկտուալ մակարդակի բարձրացմանը:  Դպրոցի ինտելեկտուալ ակումբը 2001թ-ից 4 տարի անընդմեջ տարածաշրջանային մրցույթում արժանացել առաջին տեղի և նվաճել փոխանցիկ գավաթը:

Կողբի № 2 միջնակարգ դպրոցը 2000թ.համագործակցել է<<Project Harmony>> կազմակերպության հետ, որը ժամանակակից տեխնիկայով և կահավորումով հարուստ ինտերնետ կաբինետ է նվիրել դպրոցին՝ դպրոցում իրականացնելով բազմաթիվ այլ ծրագրեր: Դպրոցում գործում է նաև համակարգչային ինտերնետ կաբինետը, որտեղ անցկացվում են ինֆորմատիկայի դասաժամերը: Դպրոցի մեծ մասնաշենքը 2011թ. նորոգվել է Պարենի համաշխարհային ծրագրի աջակցությամբ: 2010 թվից  տարրական դասարանների աշակերտներն ընդգրկված են <<Դպրոցական սնունդ ծրագրում>>,  որն իրականացվում է ՄԱԿ-ի Պարենի համաշխարհային ծրագրի կողմից՝ Ռուսաստանի Դաշնության ֆինանսավորմամբ

2014թ. Մայր Աթոռ Սուրբ Էջմիածնի Քրիստոնեական դաստիարակության կենտրոնը, ՀՀ ԿԳՆ-ը Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի հոգևոր հովանավորությամբ նախաձեռնեց  «Ավետարանական առակները հայ դպրոցում» հանրապետական մրցույթը, որին իր մասնակցությունն ունեցավ նաև Կողբի №2 միջնակարգ դպրոցը` արժանանալով հանրապետական փուլի նմասնակցելու և «Բեմական յուրահատուկ լուծումներ>> անվանակարգին:

<<Dasaran.am>> կրթական ծրագրի և ՛՛NURCARD՛՛ կուտակային ծրագրի համատեղ հայտարարած <<Միասին մենք ընտանիք ենք>> <<Պատանի նկարիչ>> մրցույթի  2014թ. 8-րդ դասարանցիների հաղթող է ճանաչվել մեր դպրոցի աշակերտուհի Մերի Յարալյանը:

9-րդ դասարանցի Լիլիթ Մուսայելյանը 2015թ.  Ավ. Իսահակյան և ասմունքի հանրապետական փուլում արժանացավ:

2015թ. հոկտեմբերին դպրոցում հիմնադրվել է ինժեներական լաբորատորիա <<ՅՈՒՔՈՄ>>ընկերության և ԻՏՁՄ-ի կողմից:

2014թ. դպրոցը սերտորեն համագործակցում է <<ՎորլդՎիժն>> միջազգային բարեգործական կազմակերպության Նոյեմբերյանի գրասենյակիհետ, իրականացնում բազմաթիվ ծրագրեր:

----------------