Կողբի գյուղապետարանը

Գյուղապետարանը տեղական ինքնակառավարման մարմին է, համայնքի տարածքում գործող միակ սուբյեկտը, որն ընտրված է տեղի բնակչության կողմից և կոչված է արտահայտելու նրա շահերն ամբողջականությամբ:  Այն նաև համայնքում սեփական պատասխանատվությամբ գործող տարածքային կառավարման ինքնուրույն օղակ է, որը համայնքի սեփականությունը տնօրինելու և համայնքային նշանակության հարցերը լուծելու իրավունք և կարողություն ունի:

Գյուղապետ՝ Արսեն Լիպարիտի Աղաբաբյան:

Ծնվել է ՀՀ Տավուշի մարզի Կողբ գյուղում 1973թ. հունվարի 9-ին:

1990թ. ավարտել է Կողբի թիվ 2 միջնակարգ դպրոցը:

1992-1997թթ. սովորել և ավարտել է Երևանի տնտեսաիրավագիտական համալսարանի իրավաբանական ֆակուլտետը:

1995-2005թթ. աշխատել է Բագրատաշենի մաքսակետում  (տեսուչ, հերթափոխի պետ):

2005թ-ի տեղական ինքնակառավարման մարմնի և 2008թ-ին վերընտրվելու արդյունքում՝ Կողբ համայնքի ղեկավարն է: Ամուսնացած է, ունի երկու զավակ:

Գյուղի ավագանին կազմված է 11 անդամներից, աշխատակազմը՝ 17 աշխատակիցներից, որոնց թվում 11-ը համայնքային ծառայողներ են:

Համայնքային ենթակայության հիմնարկներն են.

1. Մանկական երաժշտական դպրոց
2. Թիվ 1 մանկապարտեզ
3. Թիվ 2 մանկապարտեզ
4. Մշակույթի կենտրոն
5. Բժշկական ամբուլատորիա
6. Անասնաբուժական տեղամաս
7. «Կողբափոր» ՓԲԸ
8. «Մշկավանք» ՍՊԸ

Կողբ համայնքի վարչական սահմաններում ընդգրկված հողերի ընդհանուր մակերեսը կազմում է 1421.16 հա: Համայնքում տնային տնտեսությունների թիվը 1484-ն է, առկա է 1294: Բնակչության թիվը կազմում է 5095 մարդ: