Մայիսի 9-ը՝ Կողբում

2011-05-10

Մայիսի 9-ը Տավուշի մարզի ամենամեծ գյուղում՝ Կողբում  ավանդաբար շուքով է տոնվում:  Կողբի գյուղապետ Արսեն Աղաբաբյանը, համայնքապետարանի աշխատողներ, պատերազմի վետերաններ ծաղիկներով այցի գնացին թիվ 1 դպրոցի բակում գտնվող, Խորհրդային Միության հերոս, կողբեցի Ջահան Ղարախանյանի հուշարձան, ապա՝ գյուղի կենտրոնում գտնվող զոհված կողբեցիների հուշարձան: Հանդիսավոր առիթով խոսք ասացին Կողբի վետերանների խորհրդի նախագահ  Սերժիկ Բարսեղյանը,  Հայաստանի գրողների միության նախագահ Լեւոն Անանյանը, «Հայացք» շաբաթաթերթի գլխավոր խմբագիր Աշոտ Աղաբաբյանը, Կողբի պատմության  թանգարանի հիմնադիր Սուրեն Աբովյանը:  Կողբի վետերանների թվում էր 94-ամա Վազգեն Փաշիկյանը, ով մասնակցել է երեք պատերազմների՝ սովետա-ֆիննական պատերազմին, մեծ Հայրենականին, Ճապոնիայի դեմ պատերազմին: Նա հինգ անգամ վիրավորվել է, 1945թ. մայիսի 9-ին էլ Պրահայում, գերմանական մեծ խմբավորումը չեզոքացնելիս արկի պաթյունից կոնտուզիա ստացել:

Հոդվածը՝ Տեսանկյուն.AM-ի , տեսանյութը՝ Քամուտ Հեռուստաընկերության